Согласно принятому 30 октября 2025 года решению Священного Синода ежегодно в день празднования иконы Божией Матери «Целительница» 1 октября (18 сентября по старому стилю) на Божественной литургии сугубая ектения будет дополняться прошениям о больных детях и их родителях:
«Врачу душ и телес, со умилением в сердце сокрушенном к Тебе́ припадаем и, стеняще, вопием Ти: исцели болезни, уврачуй страсти душ и телес младенцев и отроков тяжко болящих, и скоро воздвигни их от одра болезни, молим Ти ся, услыши и помилуй.
Призри, Господи, Боже наш, на моления отцев и матерей, о чадех своих к Тебе взывающих, крепость духа с Небесе им низпосли, души их миром благослови и помощию Твоею заступи, молим Ти ся, скоро услыши и милостивно помилуй».
А после сугубой ектении прозвучит молитва:
«Влады́ко Человеколю́бче, Го́споди Иису́се Христе́, Бо́же наш, долготерпели́вый и многоми́лостивый, ве́лия ми́лость Твоя́ и неизрече́нно милосе́рдие Твое, вся объе́млет любо́вь Твоя́ и ничто́же невозмо́жно Тебе́, а́ще то́кмо восхо́щеши. Ты бо рекл еси́, Го́споди: оста́вите дете́й приходи́ти ко Мне, таковы́х бо есть Ца́рствие Бо́жие, и Иаи́рову дщерь от одра́ сме́ртнаго воздви́гл еси́, и егда́ не́кий царе́в муж, его́же сын боля́ше в Капернау́ме, с наде́ждою приступи́ к Тебе́, рекл еси́ ему́: Иди́, сын твой жив есть.
Сего́ ра́ди мы, гре́шнии и недосто́йнии, к Тебе́ притека́ем и, в покая́нии припа́дающе, мо́лим Тя о ча́дех, младе́нцех и о́троцех неду́гующих и боле́зньми тя́жкими лю́те стра́ждущих: не отри́ни их, к Тебе приходя́щих и ми́лости от Тебе́ ча́ющих, и воздви́гни их от одра́ боле́зненнаго це́лых и всесоверше́нных.
При́зри, Бо́же, и на роди́тели чад боля́щих, уврачу́й сердца́ их скорбя́щая Боже́ственными словесы́ Твои́ми, уныва́ющия укрепи́, во отча́яние впа́дшия возста́ви, испо́лни их ве́ры, наде́жды и упова́ния на ми́лость Твою́.
Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, со Безнача́льным Твои́м Отце́м и Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в».
Эти молитвословия входят в последование молебна об исцелении детей с тяжелыми заболеваниями и об их родителях, текст которого также утвердил Синод. По усердию и произволению настоятелей молебен можно полностью совершать по окончании литургии в день празднования иконы Божией Матери «Целительница».
